Announcement

Collapse
No announcement yet.

Carmelo Assenza, Mura a siccu

Collapse
X
 
  • Filter
  • Time
  • Show
Clear All
new posts

  • Carmelo Assenza, Mura a siccu

    Mura a siccu, ‘ntaviddati
    ccu pitruddi arricugghiuti
    nne vignala e puoi ‘ncugnati,
    nne pirtusa, nna li casci,
    mura nichi, mura vasci
    ppi siddachi, ppi’ cusciati,
    mura fatti a ‘na traversa
    ca scinniti, c’accianati,
    ritti ritti, a cudduredda,
    ppi li costi e bbi pirditi…
    Unni iti! Unni iti
    comu tanti scursunedda,
    mura a siccu ca parrati
    sulu a cu bi sa capiri
    e la terra arraccamati
    ccu disigna a nun finiri?
    Ah putissi ‘gn’juornu aviri,
    vurricatu ‘nta n’agnuni,
    ppi cummuogghiu ‘n muru a siccu
    cumminatu a mannaruni…
    nna lu mienzu ci spuntassi
    rogni tantu l’irvicedda,
    e all’ussidda ‘n cci mancassi
    mai re petri a friscuredda!

    Video con la poesia recitata dallo stesso autore

This topic was started by... Questa discussione è stata iniziata da...

Collapse

Angelo Cannata Find out more about Angelo Cannata
Working...
X